РУСКИ КЕРЕСТУР – Школяре першей класи Основней школи „Петро Кузмяк” достали едукативну кнїжку „Пажлївково правила у транспорту” котру каждого року дарує Совит за транспорт Општини Кула.
Наймладши школяре годни учиц о безпечносци, о правилох и справованю у транспорту, през змист котри прилагодзени їх возросту, на интересантни и розумлїви способ.
Совит за транспорт исту кнїжку подзелєл шицким першокласнїком на териториї општини Кула.
