РУСКИ КЕРЕСТУР – Орґанизаторе Музичного фестивала „Водова фестˮ поволую фотоґрафох и знїмательох най ше приявя на наградни конкурс. Учашнїком на конкурсу ше обезпечи акредитацию за присуствованє на фестивалу.
Приявиц ше мож по 12. октобер, а прияву зоз меном и презвиском и числом телефона треба послац на имеил vodovafest.rs@gmail.com, лєбо ше явиц на число телефона 064 1575096. За найлєпши фотоґрафиї и знїмки зоз тогорочного виданя фестивала орґанизаторе обезпеча награди.
Музични фестивал „Водова фестˮ, будзе 19. октобра у Спортскей гали у Руским Керестуре, а почнє на 19 годзин. Того року ше преслави ювилейне 10. виданє фестивала алтернативней музики „Водова фестˮ, а наступя: Мортал Комбат (Mortal Kombat), Миле Кекин, ФелдМаршал (FeldMaršal), Раскид13 и Ди-джей Мрле (DJ Mrle) хтори задлужени и за афтерпарти.
Уходнїци скорей Фестивалу, мож купиц онлайн на Ґиґстиксових (Gigstix) предайних местох. Так, уходнїци за партер коштаю 1.200 динари, док за окремни ВИП уходнїци 2.500 динари.
Подробнєйши информациї о фестивалу, мож пренайсц на Фейсбук и Инстаґрам боку Водова фест.