Право гласа вихасновали 58,89 одсто гласачoх

автор Ан. Медєши
473 Опатрене

РУСКИ КЕРЕСТУР – У Руским Керестуре, на парламентарних и покраїнских виберанкох, найвецей гласи достали лїстини „Александар Вучич – Сербия нє шме стануц” котра освоєла 1.113 гласи, або 50,36 одсто на парламентарних, односно 1.032 гласи, або 47,05 одсто гласи на покраїнских виберанкох.

На другим месце парламентарних виберанкох находзи ше лїстина ⹂Сербия процив насилства – Мирослав Мики Алексич – Маринка Тепичˮ зоз 608 гласами, цо 27,48 одсто, треца по числу гласох лїстина „Ми – глас з народу, проф. др Бранимир Несторович” зоз 89 гласами, або 4,02 одсто. Шлїдуюца лїстина ⹂Ивица Дачич – премиєр Сербиїˮ достала 65 гласи або 2,93 одсто, а потим, зоз 64-ома гласами або 2,89 одсто, була лїстина ⹂Союз войводянских Мадярохˮ.  Шлїдзи лїстина Саши Радуловича хтора освоєла 39 гласи, такой за ню лїстина Др Милоша Йовановича – надїя за Сербию, зоз 37 гласами, потим лїстина ⹂Милица Дюрдєвич Стаменковски – Бошко Обрадович – Националне зберанє – Державотворна моц – Сербска странка Завитнїки – Сербски рух Двериˮ зоз 32 гласами, лїстина ⹂Др Воїслав Шешель – Сербска радикална странкаˮ освоєла 22 гласи, дзешате место дзеля два лїстини зоз по 14 гласами, а то ⹂Русийска странка – Слободан Николичˮ и лїстина ⹂Чедомир Йованович – Муши иншакˮ. За лїстину ⹂Политична борба Албанцох ше предлужує – Шаип Камбериˮ гласали 12-ецеро гласаче, лїстина  ⹂Усаме Зукорлич – зєдинєни за правду – странка правди и помиреня – Бошняци Санджаку, Томислав Жиґманов – Демократски союз Горватох у Войводиниˮ достала 10 гласи, потим єден глас менєй, односно 9 гласи достала лїстина ⹂Народна странка – сиґурни вибор. Озбильни людзе – Вук Єремич, др Санда Рашкович Ивич, Синиша Ковачевич, Владимир Ґаїч, Марина Липовац Танасковичˮ. За нїма шлїдзи лїстина ⹂Вєдно за будучносц и розвой – коалиция за мир и толеранциюˮ зоз 5 гласами, потим зоз штирома гласами лїстина ⹂Сербия на заходзе – Зоран Вулетич – Неманя Милошевич – Най ше фах пита – Владимир Ковачевичˮ, три гласи достала лїстина ⹂Албанска демократска алтернатива – Зєдинєна долїнаˮ, док найменєй, два гласи достала лїстина ⹂СДА Санджаку – Др Сулейман Уґлянинˮ.

Кед слово о покраїнских виберанкох, у Руским Керестуре найвецей гласи достала перша лїстина „Александар Вучич – Войводина нє шме стануц” котра освоєла 1.032 гласи, односно 47,05 одсто. На другим месце находзи ше лїстина ⹂Сербия процив насилстваˮ зоз 473 гласами, цо 21,56 одсто, потим лїстина „Войводянє – Лиґа социялдемократох Войводини – Войводянє, Демократска заєднїца войводянских Мадярох, Вєдно за Войводину – Боян Кострешˮ хтора достала 317 гласи, або 14,45 одсто. Шлїдуюца, штварта по числу гласох була лїстина ⹂Ивица Дачич – премиєр Сербиїˮ зоз 69 гласами або 3,14 одсто, а потим, зоз 46-ома гласами або 2,09 одсто, була лїстина ⹂Союз войводянских Мадярох – За нашого Предсидателя, за нашу заєднїцу, за будучносц!ˮ

На шестим месце лїстина ⹂Саша Радулович (Досц було – ДБ) – Борис Тадич (Социялдемократска странка – СДС) – Ана Пеїч (Одняти беби) – Добре рано Сербийоˮ хтора освоєла 33 гласи, односно 1,5 одсто гласох, а такой за ню лїстина ⹂Др Милош Йованович – Надїя за Сербию – Надїя за Войводину – Сербска коалиция Надїя – Национално демократска алтернатива – Нова Демократска странка Сербиї (Нови ДСС) – Рух обнови Кральовини Сербиї (ПОКС) – Воїслав Михаиловичˮ зоз 32 гласами. Осме место припадло лїстини ⹂Милица Дюрдєвич Стаменковски – Бошко Обрадович – Националне зберанє – Державотворна моц – Сербска странка Завитнїки – Сербски рух Двериˮ зоз 29 гласами, лїстина ⹂Др Воїслав Шешель – Сербска радикална странкаˮ освоєла 26 гласи, потим лїстина ⹂Русийска странка – Серби и Руси браца занавшеˮ зоз 25 гласами, єденасте место дзелї лїстина ⹂Чедомир Йованович – Войводина муши иншакˮ и лїстина ⹂Народна странка – сиґурни вибор. Озбильни людзе – Вук Єремич, др Санда Рашкович Ивич, Синиша Ковачевич, Дьордє Вукадиновичˮ зоз по 15 гласами.  Лїстина ⹂Томислав Жиґманов – Зєдинєни за правду – Демократски союз Горватох у Войводини, Усаме Зукорлич – Странка правди и помиреня – Бошняки Санджакаˮ достала найменєй, 10 гласи.

Право гласа у Керестуре мали 3.750 особи, а вишли 2.212, односно 58,89 одсто. Нєважаци були 93 лїстки.

ПОВЯЗАНИ ТЕКСТИ