НОВИ САД – Драмски студио „Звонимир Павлович” Руского културного центру у Новим Садзе, всоботу, 23. марца у студию РТВ Войводини знял представу „Конєц” автора и режисера Славка Виная.
Представа „Конєц” премиєрно виведзена 24. новембра прешлого року на домашнєй сцени у Новим Садзе, а потим 25. новембра на Драмским мемориялу Петра Ризнича Дядї у Руским Керестуре и 2. децембра на Фестивалу малих сценских формох „Дюра Папгаргаї” у Новим Садзе.
У представи ґлумя: Борислав Сакач у улоги Краля, Ася Папуґа як Кралїца, Владимир Манько як Поета, и Желько Сопка и Йован Бєлица як Стражаре.
Наратор Славко Винаї, суфлерка Ивана Чордаш, музику и звучни ефекти обдумал Мирослав Пап, дизайн шветла Ириней Гудак, сценоґрафию Єлена Симонович и Славко Винаї, а продуцент и орґанизатор представи Владимир Сивч.
