НОВИ САД – Промоция науковей моноґрафиї Интеркултурална димензия у образовней вертикали на руским язику проф. др Михайла Фейси, маст. Доротеи Будински и маст. Славици Чельовски будзе на вовторок 18. фебруара на 10 годзин у просторийох Педаґоґийного заводу Войводини (Булевар Мухайла Пупина 6/I).
Бешедовац буду рецензенти проф. емеритус Првослав Янкович зоз Педаґоґийного факултету у Зомборе, проф. др Милица Андевски зоз Филозофского факултету и др Силвия Илич зоз Педаґоґийного заводу Войводини (ПЗВ) авторки и автор Моноґрафиї.
Наявене же на промоциї буду участвовац и руководителька Проєкта проф. др Вирдїния Попович и директор ПЗВ Янош Пушкаш.
Орґанизаторе: Руска матка и Културно-просвитне дружтво ДОК – Нови Сад у соорґанизациї зоз Педаґоґийним заводом Войводини.
Нащивительом обезпечени безплатни прикладнїк Моноґрафиї.