КОСАНЧИЧ – Уж по 15-раз на Косанчичу, при Савиним Селу, отримане традицийне змаганє у вареню пасулї, хтору варели 20 екипи и змагали ше за титулу кухарох хтори найлєпше уваря тот специялитет.
Пасулїяду отворел предсидатель општини Вербас, Милан Ґлушац, визначуюци же Косанчич ма красну природу хтора вигодна за друженя и одпочивок, може буц оаза мира, за цо Општина Вербас вше порихтана помогнуц.
Зоз своїм тайним рецептом за варенє добрей пасулї на Пасулїяду пришли и членїци Активу женох КУД „Жатва”, а у екипи була Коцана Колєсар, Мария Дудаш Фейса, Серафина Киш, Мария Малїк, Мария Хромиш, Феброния Дротар и Єлена Стрибер. Освоєли 4 место, а на змагательох пренєсли свойо добре розположенє.
