СТАРИ ЯНКОВЦИ (РЕПУБЛИКА ГОРВАТСКА) – Схадзка Шветовей ради Руснацох/Русинох/Лемкох отримана всоботу, 23. септембра у Старих Янковцох, а на нєй предшедал предсидатель того цела др Штефан Лявинец зоз Мадярскей.
Єшеньска схадзка Ради ше вше отримує под час Манифестациї „Кед голубица лєцела”, углавним у Старих Янковцох, та и того року нє претаргнута традиция гоч Шветови конґрес отримани пред мешацом.
Рада зашедала у кус ощербеним составе без членох зоз Сербиї, Ческей и Польскей, алє єй дало подполне право же би принєсла одлуки и же би ше дискутовало. Насампредз, дата позитивна оцена нєдавно отриманому Шветовому конґресу Руснацох/Русинох/Лемкох хтори бул у Новим Садзе, а бешедоване и о активносцох хтори члени Шветовей ради буду преберац у наиходзацим периодзе по шлїдуюцу схадзку Ради хтора будзе отримана нарок у Румуниї.