ШИД – Од пиятку по нєдзелю (8. по 10. септембер) будзе отримане треце Стретнуце рускей младежи на хторим як и прешли роки буду участвовац млади зоз наших местох, а у орґанизациї младих КПД „Дюра Киш” и з потримовку Одбору за младих Националного совиту Руснацох.
Як гвари спред орґанизаторох Михайло Ждиняк до Шиду приду млади зоз Руского Керестура, Нового Саду, Руми, а тиж и зоз Беркасова и Бикичу як и домашнї Шиданє.
И на тих стретнуцох буду отримани едукативни роботнї, потим будзе и нащива познатим местом у околїску як и час за упознаванє и друженє.
Млади буду змесцени у будинку Лєтнєй владическей резиденциї, а активносци буду отримовани и у Руским доме односно у просторийох КПД „Дюра Киш”.