НОВИ САД – У найновшим Телевизийним маґазину годно одпатриц як прешол приєм першокласнїкох у основней школи у Дюрдьове, а тиж и перши дзень у школи у Руским Керестуре и Коцуре.
Зазначене и як було атлетичаром зоз Руского Керестура на лєтней школи атлетики. Приказане будзе и цо шицко поробене на реновираню Дома култури у Коцуре.
Такой по законченю телевизийного маґазина будзе емитоване найновше виданє Широкого плана у котрим будзе емитовани знїмок фестивала „Най ше нє забудзе” котри отримани соботу 26. авґуста.
Телевизийни маґазин почина на нєдзелю на 20 годзин. Репризу емисиї годно одпатриц тей истей ноци коло 2 рано, на пондзелок на 11 и на вовторок на 22 годзин, a Широки план на нєдзелю на 21 годзин.