ВЕРБАС – У Грекокатолїцкей церкви Покрова Пресвятей Богородици у Старим Вербаше внєдзелю, 20. априла, означене вельке християнске швето, Велька ноц.
У Страсним тижню старовербаски парохиянє означели Вельки штварток, зоз Службу Божу 12 евангелийох. На Вельки пияток на 16 годзин було хованє Исусово, а на Вельку соботу було Пасхалне бдениє зоз Службу Божу.
Вельку святочну Службу Божу на перши дзень Велькей ноци служел парох старовербаски о. Алексий Гудак. Вельке число вирних старовербаскей грекокатолїцкей парохиї принєсли свойо порихтани вельконоцни кошарки до церковней порти на пошвецанє, а зоз пошвеценим пасхалном єдзеньом благослов однєсли и до своїх обисцох. Числени кошарочки пошвецени на тото швето, а того дня було и мированє.
На Шветли пондзелок, у Велькей Служби Божей на 9 годзин тиж було мированє вирних грекокатолїцкей парохиї у Старим Вербаше.
