НОВИ САД – Тих дньох зоз друку вишло найновше число Младежского часопису МAK, нашим читачом приноши интересантносци и новосци котри означели тогорочни лєтнї збуваня.
Зоз Дюрдьова приноши вистки як ше млади орґанизовали на уж познатей журки Алога лєто, алє и як розпочали и по першираз орґанизовали интересантни проєкт Алога Дюрдьов у котрим участвовали Руснаци зоз вецей местох.
Маков лексикон пополнєла и дала цикави одвити Мартина Афич, родом зоз Керестура котра ше преселєла до Нємецкей.
Надалєй, у рубрики Зоз швета науки и технолоґиї представяме приклади зоз профилу Петро Пис котри пририхтую професоре и школяре, як и бувши школяре керестурскей ґимназиї.
На спортских бокох пишеме о Лєтней Олимпияди, драгопис пише Марко Буила зоз далєкей Месопотамиї, а ту и порядна рубрика о филмох котру Михайла Планкоша котри пише о филму Лисабонска приповедка.
У рубрики Мозаїк єст даскельо написи, интервю зоз Владимиром Мишлєновичом, о Волонтерским кампу у Руским Керестуре, як и упечатки зоз наступу и путованя аматерох керестурского Дома култури у Польскей.