НОВИ САД – Тих дньох до школох сцигнул учебнїк „Бешедуйме по руски”, за руски язик з елементами националней култури наменєни школяром першей и другей класи у виборней настави.
Авторки учебнїка мaст. Оля Яковлєв и мaст. Ана-Мария Рац, илустровала го Александра Русковски, а видал го концом 2024. року Завод за учебнїки з Беоґраду.
Учебнїк котри давно пририхтани, видруковани тераз и дзекуюци закладаню Одбору за образованє Националного совиту Руснацох. Наш Одбор вєдно з Одборами других меншинох посцигли же би ше таки учебнїки финансовали зоз ребалансом буджету републики Сербиї.
Предсидателька Одбору Олена Папуґа тих дньох по єден прикладнїк того учебнїка уручує учительком котри робя у школох дзе ше руски язик виклада як виборни предмет.
На учителькох ше стої же би зоз своїх ґрупох до Одбору приявели потребне число учебнїкох котри наменєни за початне ученє руского язика.
