БЕОҐРАД – Премиєр Сербиї Александар Вучич и министер младежи и спорту Ваня Удовичич вчера прияли сербских атлетичарох Ивану Шпанович, Михаила Дудаша и Лазара Анича, котри участвовали у финалу Европского першенству у атлетики у Беоґрадзе.
Вучич и Удовичич подзековали и повинчовали спортистом за труд хтори уложели – окреме Ивани Шпанович, котра освоєла златну медалю, потим Атлетскому союзу Сербиї за одличну орґанизацию, як и тренером, котри пририхтали змагательох.
Ивана Шпанович, европска шампионка у скоку до далєка, хтора на Першенстве у Беоґрадзе прескочела 7,24 метери и звалєла национални рекорд, посцигла найлєпши резултат на швеце у тим року. Михаилови Дудашови мало хибело до бронзовей медалї у седмобою, а Лазар Анич завжал шесте место у скаканю до далєка.
Окрем спортистох, на схадзки були и їх тренере, предсидатель Атлетского союзу Сербиї Веселин Євросимович и директор Союзу Слободан Бранкович.