РУСКИ КЕРЕСТУР – У рамикох дзецинского тижня, традицийно пондзелок у керестурскей дзецинскей загради „Цицибан” бул орґанизовани маскенбал.
Наймладши два яшельково ґрупи Качата и Жабчата ше нє маскирали як и други дзеци, алє зоз пригоднима активносцами спрам їх возросту, вєдно зоз воспитачками почали означованє тогоп тижня.
Надалєй, нагоду маскирац ше мали три обданїщово ґрупи Рибки, Квецики и Гвиздочки, як и пририхтуюцо-предшколска ґрупа. Дзеци под масками ше прешпацирали през центер валалу, а потим у оводи мали друженє зоз музику и бависком на дворе.
Маскенбал активносц зоз котру ше отвера дзецински тидзень у керестурским Цицибану, а през тидзень воспитачки заплановали рижнородни активносци, до котрих уключени и родичи, и локална заєднїца.
