РУСКИ КЕРЕСТУР – Вчера, у обисцу Любици Няради, як и на вецей местох у Руским Керестуре, знїмани часци популарного сериялу емисийох „Кухня мойого краю”, зоз хтору ше представя єдзенє, обичаї, живот на валалє и валаски туризем.
Нярадийова и ище седем жени з рижних местох Сербиї – з Валєва, Златибору, Алексинцу, Бору, Ґолубинцох и Србобрану, и вєдно обиходза шицки тоти места. Домашня госцинским пририхтує традицийни єдла свойого краю хторе вони на концу оценюю. Ґаздиня хтора на концу серияла назбера найвецей боди наградзена зоз 100. 000 динарами.
Док Любица Нярадийова у своїм доме пририхтовала руски єдла, єй супруг Емил госцински поводзел по валалє, на фиякеру були опатриц Водицу, нащивели Музейну збирку у Замку, Руски народни театер, а знїмани и дзивки у народним облєчиве и други керестурски специфичносци.
Нярадийова и єй госцински часц штвартей сезони того сериялу хтори ше емитує на першей програми Явного сервису, Радио телевизиї Сербиї.
