КОЦУР – Вчера 22. марца, у коцурскей долїни при Малим руским теметове бул вельки огень, з вельким чарним димом хтори знємирел Коцурцох, а окреме тих котри биваю коло теметова.
За тераз нєпозната особа(и) запалєла суху траву у долїни, алє ше огень вимкнул контроли и грожел же дойдзе аж по обисца у улїци Владимира Назора, а ище у векшей опасносци бул Мали руски теметов.
Члени Добредзечного огньогасного дружтва з Коцура були у приправносци и зоз швидку интервенцию огень перше локализовали, а потим и загашели лєм на даскельо метери од перших памятнїкох на теметове.
