БЕОҐРАД – Национална служба за обезпечованє роботи (НСЗ) 7. фебруара розписала явни поволанки за додзельованє субвенцийох за самозанятосц, за обезпечованє роботи нєзанятим особом з катеґорийох котри чежше находза роботу, як и за заробки за особи з инвалидитетом без роботного искуства у 2017. року.
Єднократна субвенция за самозанятосц 180 000 динари, а 200 000 динари у случаю самозанятосци звишку занятих. За нєзаняти особи з инвалидитетом субвнеция 220 000 динари.
Остатнї термин за придаванє вимогох, з бизнис планом, за самозанятосц 10. април.
Розписани и явни поволанки за витворйованє програмох фаховей пракси, здобуванє практичних знаньох за нєквалификовни особи, як и за здобуванє практичних знаньох за звишки занятих и длугорочно нєзаняти особи котри на евиденциї НСЗ длужей як 18 мешаци.
Розписана и явна поволанка за нєзаняти особи ромскей националносци за додзельованє субвенцийох за самозанятосц, и тота поволанка отворена по 10. април, а мож конкуровац за субвенциї од 180 000, 200 000 и 220 000 динари.
Деталї шицких явних поволанкох мож найсц на сайту НСЗ www.nsz.gov.rs.