КОЦУР – На уходох до Коцура з Вербасу и Савиного Села положени нови троязични табли з меном населєного места, а пременєна и табла на Месней заєднїци (МЗ), хтора тиж троязична. Назва МЗ, як и Коцура, на таблох написана на сербским, руским и мадярским язику, а дотерашнї табли требало пременїц пре нєточно написане мено Коцура по мадярски.
Табли покладли роботнїки МЗ, а средства обезпечени з Покраїнского секретарияту за образованє, предписаня, управу и национални меншини-национални заєднїци.
Од спомнутого секретарияту МЗ Коцур достала и средства за виробок и поставянє троязичних таблох з назву улїцох на язикох хтори ше службено хаснує у вербаскей општини, односно у Коцуре.