РУСКИ КЕРЕСТУР – У рамикох означованя октобра-мешаца старих, дзеци з рускокерестурского оддзелєня „Цицибан” Предшколскей установи „Бамби” з Кули, вчера нащивели хасновательох Дому за старих и пензионерох у Керестуре.
Оводаше, вєдно зоз свою виховательку Емилку Костичову, пририхтали богату програму, на котрей рецитовали и шпивали по руски и сербски, а єдну часц виведли два раз, на бис з публики.
Дзеци однєсли символични дарунки, а було порихтане и заєднїцке погосценє. Подобни нащиви и програми ше орґанизую уж традицийно каждого року.
У кулским Доме за старих и пензионерох, цали октобер прешол у пригодних програмох пошвеценим старим особом. Керестурски хаснователє тиж були у Кули на шветочней програми 1. октобра и друженю котре орґанизовали заняти у Доме.