РУСКИ КЕРЕСТУР – Туристичне здруженє „Руски Керестур”, на чолє зоз предсидательку Любицу Няради, поволує младих хтори заинтересовани уключиц ше до роботи Здруженя, як и валалчанох хтори жадаю видавац простор за госцох.
Як виявела предсидателька Нярадийова, Здруженє у нових инициятивох у наиходзацим периодзе окреме рахує на младих цо закончели туристични напрям у керестурескей Штреднєй школи, алє и шицких других.
Поволує ше и особи хтори жадаю видавац, чи окремни хижи, чи цале обисце за потреби туристох. За шицких Туристичне здруженє пририхтує схадзку хтора будзе 22. новембра у Месней заєднїци, а на нєй будзе бешеди о спомнутих активносцох за унапредзенє туристичного понуканя Руского Керестура.