БЕОҐРАД – Вецей як 426 000 пезионере и далєй пензию буду доставац на домашню адресу, сообщел Союз пензионерох Сербиї, а шлїдом нєдавних наявох же пензионере, без огляду дзе жию, пензиї буду мушиц доставац на чечуци рахунки.
Наяви же поштаре вецей нє годни ношиц пензиї на адреси спричинєли неґативни реакциї пензионерох, котрим би така мира очежала живот, понеже велї з нїх инвалиди, хори, лебо нєрухоми.
– З предлужованьом можлївосци же би ше пензиї доставало и прейґ пошти, держава вельо поробела за тоту ґрупацию пензионерох, почитуюци їх волю и достоїнство – сообщене зоз Союзу пензионерох Сербиї.