РУСКИ КЕРЕСТУР – Всоботу, 17. юния, на Лонґове у Руским Керестуре отримани сход ґенерациї матурантох котри у Рускей ґимназиї матуровали 1977. року, а були штварта ґенерация „другей” Рускей ґимназиї.
До оддзелєня по руски до Ґимназиї 1974. року (хтора теди спадала под Ґимназию у Вербаше) були уписани шеснацецеро школяре з вецей наших местох, та и зоз сримских, а на сходзе после 40 рокох од матури були єденацецеро. Здогадли ше на штредньошколски часи и заказали нови сход о пейц роки.
После тей зоз 1974. року була ище лєм єдна ґенерация оддзелєня рускей Ґимназиї, бо з реформу школства ушлїдзело тедишнє поволанково-унапрямене образованє.
