РУСКИ КЕРЕСТУР – У Руским Керестуре всоботу, 16. септембра, отримани сход бувших школярох першей ґенерациї котри после Другей шветовей войни почали ходзиц до школи з наставу на своїм мацеринским, руским язику, односно народзени 1936, 37. и 1938.року, а до школи рушели школского 1944/1945. року.
Орґанизаторка сходу була др Леона Доротич Ґутеша,а на сходзе присуствовали 23-ойо дакедишнї маломатуранти з рижних местох, зоз 105 школярох котри наставу теди слухали у трох оддзелєньох. Перши сход орґанизовали 2004. року, на хторим их було коло 60, а други 2014. року.
Дакедишнїх перших повойновихшколярох з руским наставним язиком привитала и директорка Школи „Петро Кузмяк” Хелена Пашо Павлович, а тедишньому школярови ґенерациї Мироньови Рамачови його парняки уручели окремне подзекованє и дарунок. Од НВУ „Руске слово” шицки присутни на дарунок достали по єдну руску кнїжку.
Пригодно ше здогадли и на тих котри вецей нє з нїма, а друженє на Лонґове предлужене з вечеру и руску музику.