У Коцуре акция о защити од нєпогодох

автор злк
1.1k Опатрене

КОЦУР – У Коцуре вчера, 16. октобра, предлужена акция Здруженя младих КУМ и коцурского Каритасу пошвецена превенциї од нєпогодох.

У дворе ОШ „Братство єдинство” члени Добродзечного огньогасного дружтва (ДОД) школяром пиятей класи отримали преподаванє о защити од огня и справованю у ситуациї кед вибухнє огень, а командир огньогасней єдинки Коцур Саша Тодич указал и потолковал функционованє процивогньового апарату. После указуюцей вежби школяре опатрели опрему огньогасцох, камион и защитни шмати огньогасцох.

8-Akcija-02

Исти дзень вечар у коцурским Каритасу отримани округли стол з тему „Зоперанє ризику од природних катастрофох, суши и од поджемних водох“, на хторим Драґана Остоїч бешедовала о превенциї катастрофох – суши, поджемних водох, огня, трешеня жеми и вилївох.

На округлим столє участвовали члени Каритасу, Здруженя младих КУМ, члени Здруженя малинарох Бачки малинаре, члени ДОД, представителє Месней заєднїци Коцур и Сектору за позарядово ситуациї Вербас.

Акция будзе закончена 21. октобра, кеди волонтере ушоря простор коло Школи и поставя лавочки у школским дворе.

8-Akcija-03

ПОВЯЗАНИ ТЕКСТИ