БЕОҐРАД – Сербия постанє держава у хторей шицки марґинализовани ґрупи буду уключени до дружтва, заключене на вчерайшей схадзки предсидательки Координацийного цела за родну ровноправносц Зорани Михайлович и поверенїци за защиту ровноправносци Бранкици Янкович.
У складзе з Националну стратеґию, на схадзки порадзене же буду вєдно робиц на реґулованю обласци людских правох у Сербиї и бориц ше же би шицки марґинализовани ґупи мали єднаки можлївосци у дружтве.
Акцент Координацийного цела будзе на родней ровноправносци, з борбу процив насилства над женми, за їх економске змоцньованє, та за змоцньованє документох и актох хтори реґулую тоту обласц.