БЕОҐРАД – Министер здравя Златибор Лончар прешлого тижня виявел же до конца рока здравствени установи у Сербиї достаню ище даскельо стотки нових лїкарох. Як гварел, обезпечованє роботи новим лїкаром будзе запровадзене на найтранспарентнєйши сособ, односно же ше их будзе примац на основи конкурсох цо, як гварел, до тераз нє бул случай.
По словох министра Лончара, од 2014. року по нєшка, од кеди є на тей функциї, заняти 2 721 здравствени роботнїк, з котрих 1 184 лїкаре. Министерство одобрело 3 170 специялизациї, а тераз єст 822 прияви за специялизациї.