БЕОҐРАД – Од початку рока инфлация у Сербиї поросла за 1,7 одсто у одношеню на децембер прешлого року, а у авґусту того року поросла за 0,9 одсто у одношеню на юлий – сообщел вчера Републични завод за статисатику (РЗС), а преноши Танюґ.
Трошительни цени у авґусту поросли за 1,2 проценти на рочним уровню – пожива и напой подрагшели за 2,3 одсто, рекреация и култура за 3,1 одсто, ресторани и готели за 0,5, а квартелїни, струя, газ и други горива за 02, одсто.
На другим боку, потуньшело облєчиво и обуй за 0,5 одсто, мебель, потребне до обисца и за його отримованє за 0,3 одсто, як и транспорт, алкоголни напой и доган за по 0,1 одсто.
Цени других продуктох и услугох значнєйше нє пременєни, гвари ше у сообщеню РЗС.