ДЮРДЬОВ – Националне швето Руснацох вчера означене и у мишаней ґрупи дюрдьовскей Предшколскей установи „Дюрдїца”.
Дзеци слухали и учели нашу шветочну писню, рисовали рисунки на тему досельованя Руснацох до тих крайох и руских предметох. Воспитачка Марина Сабадош им указала як випатрали, за цо и як ше хасновали глїняни гарчки, древени кломпи, руски народни парток, та и як ше дакеди дзеци бавели.
Попри тим, дополадня дзеци з мишаней ґрупи нащивели валалску ОШ дзе провадзели шветочну програму з нагоди того Националного швета.
