Аматере Дома култури з Руского Керестура прешлей соботи були у нащиви Сриму упознац места у шидскей општини у хторих жию Руснаци и стретнуц ше зоз своїма парняками. Вони нащивели Бачинци и нашу грекокатолїцку церкву, а тиж и Беркасово и Бикич. Ту их домашнї упознали зоз самима валалами и як ту орґанизовани Руснаци.
У Шидзе нащивели Ґалерию „Сава Шуманович” – Установу култури од националного значеня и родну хижу Сави Шумановича, як и Музей наївней уметносци „Илиянум”. Поопатрали и будинок Лєтнєй владическей резиденциї и Руски дом у хторим домашнї з КПД „Дюра Киш”, госцом порихтали вечеру, а потим було друженє з музику, шпиванку и танцом.