НОВИ САД – Управа за капитални укладаня Войводини розписала конкурс за реализованє проєктох з обласци здравственей защити, финансованє и софинансованє набавки медицинскей опреми, вибудови и реконструкциї здравствених установох. За тоту намену опредзелєни вєдно 400 милиони динари, а конкуровац мож по 6. април.
За финансованє и софинансованє набавки медицинскей опреми предвидзени 270 милиони динари, а за проєкти вибудови и реконструкциї, та санациї обєктох здравствених установох опредзелєни 130 милиони динари. На конкурс ше можу приявиц шицки здравствени установи чий снователь АП Войводина.
Вецей информациї мож опатриц на сайту Покраїнскей влади www.vojvodina.gov.rs