БЕОҐРАД – Здруженя и орґанизациї цивилого дружтва хтори сцу допринєсц защити животного штредку можу ше приявиц зоз своїма проєктами до Министерства польопривреди и защити животного штредку, хторе за тоту намену опредзелєло вєдно 20 милиони динари.
Мож конкуровац з проєктами з обласци защити природних вредносцох, жеми, води, управяня з одпадом, ублажованя климатских пременкох, за промовованє желєней економиї и подобне.
Проєкти мож посилац по 15. юний, а вибрани годни достац найвецей 900 000 динари, пише у сообщеню Министерства. Вецей о конкурсу мож опатриц на сайтох www.minpolj.gov.rs и www.eko.minpolj.gov.rs