БЕОҐРАД – Член Кризного штабу Бранислав Тиодорович вчера после схадзки сообщел же ситуация з Ковидом-19 ище вше позарядова, алє єст злєпшаня хтори би могли оможлївиц же би од пондзелку знова були отворени тарґовищни центри, а од 19. априла врацанє дзецох до школох. Вон додал же, кед ше предлужи актуални тренд вакцинациї, о мешац и пол може буц запровадзени колективни имунитет.
Тиодорович визначел же акцент и далєй остава на мирох и же шицки мири яки познати муша буц почитовани, од ношеня маскох, аж и на отвореним кед гужва.
Сообщенє и же ше вакцинация одлично одвива у остатнїх двох-трох дньох и же ше обчекує же так будзе и надалєй.