КОЦУР – На пияцу у Коцуре, после лєтнєй павзи, вчера знова отримане предаванє хаснованих стварох, хторе орґанизовала Емилия Чизмар з Коцура. То штварте тогорочне предаванє, а по конєц рока плановане ище єдно.
Зоз хаснованима стварами за обисце, як и зоз облєчивом, на пияцу ше з тей нагоди зявели предаваче нє лєм зоз Коцура, алє и зоз околних местох. Як виявела орґанизаторка, после штвартого орґанизованого розпредаваня, людзе уж упознати зоз идею, и потримую ю, та ше обчекує же и на шлїдуюцим предаваню будзе надосц купцох и предавачох.