СРИМСКА МИТРОВИЦА – Вчера, 19. януара, у театру „Добрица Милутинович“ отримана шветочна Академия „Мацери Рускинї“ з нагоди преслави Националного швета Руснацох, а з тоту програму Здруженє гражданох „Руске Дружтво“ означело и 170. рочнїцу приселєна Руснацох на територию городу Сримска Митровица.
У програми интерпретовани писнї Гавриїла Костельника и Гелени Гафич Стойков, свойо точки мали ґлумец Владимир Балащак, Душанка Анойчич, Ивана Миросавлєвич, Тияна Бережни, Єлена Янкович, театер Ґартел, на клавиру музични точки виведол Александар Цундра, а наступел и Тамбуровки оркестер „Срим”.
Госци на програми бул КПД „Иван Котляревски” зоз Бикичу, та шпивацка ґрупа „Бикичанки“ одшпивала венчик писньох зоз свойого репертоару.
Здруженє гражданох „Руске Дружтво“ и Центер за културу „Сирмиумарт“, а зоз потримовку театру „Добрица Милутинович“, порихтали цалу шветочну академию.
