БЕОҐРАД – Поверенїца за защиту ровноправносци Бранкица Янкович за аґенцию Бета виявела же Сербия далєко од толерантного дружтва, цо спричинєли чежки войново роки и транзиция.
Вона гварела же зме шведкове справованьох на хтори треба институционално реаґовац, а насампредз дума на дзеци, жени и ЛҐБТ популацию, хтори у Сербиї найзагроженши.
– О тим треба констатно явно бешедовац и похасновац шицки механїзми же би пришло до пременки. Насампредз з едукованьом, превенцию, дошлїдним применьованьом шицких законох, та з явним диялоґ о шицких проблемох – гварела Янковичова и заключела же ше муша меняц одношеня гражданох єдни ґу другим и прилапйовац розличносци.