ДЮРДЬОВ – Нєшка на двох местох у Дюрдьове будзе означене Националне швето Руснацох у Републики Сербиї.
У просторийох Културно-уметнїцкого дружтва „Тарас Шевченко” на 12 годзин почнє шветочна програма, а як и скорейших рокох, петнац минути пред тим буду виложени три застави на трох значних местох за Руснацох и валал – на будинку Месней заєднїци, Рускей школи и КУД „Тарас Шевченко”.
У пригодней програми буду участвовац члени секцийох Културно-уметнїцкого дружтва „Тарас Шевченко” з Дюрдьова у котрей будзе пречитана кратка история Руснацох, о їх приселєню, значних подїйох и датумох.
Орґанизатор Подручна канцелария Националного совиту Руснацох Дюрдьов.