БЕОҐРАД – На ютре, 16. октобра, Шветови дзень поживи, а тема тогорочного означованя „Уплїв климатских пременкох на продукцию поживи“.
Звешованє числа жительох на Жеми будзе вимагац и звекшованє продукциї поживи. Прето нєобходне ускладзиц обласци польопривреди и систему продукциї з принципами отримуюцого розвою, а з увагу на вше екстремнєйши пошлїдки пременки клими – длуги сушни периоди, нєпогоди и други природни катастрофи.
– Понеже кажда дзевята особа на планети гладна, а рочнє ше одруцує коло трецину випродукованей поживи, ясне же треба превжац озбильни мири на шицких уровньох и так ублажиц тоту нєровновагу – сообщел Городски завод за здравє Беоґрад.
Шветови дзень поживи ше означує од 1945. року, кеди основана Шветова орґанизация за поживу и польопривреду.