БЕОҐРАД – Националну службу за обезпечованє роботи (НСЗ) тужа коло 40 000 гражданє, прето же им виплацени менши пенєжни надополнєня за нєзанятосц, гварене Танюґу у НСЗ, а преноши новосадски „Дневник”.
Поглєдованя бувших хасновстельох пенєжного надополнєня ше рушаю од 1 000 до 5 000 дин., а як потолковали у НСЗ, оспорйовани способ обраховйованя висини надополнєня окончени у складзе з обовязуюцу препоруку з Державней ревизорскей институциї (ДРИ) од 28. новембра 2011. року.
По спомнути датум НСЗ робела по другим принципе, та пред обовязуюцу препоруку з ДРИ нє було тужби по тей основи.
Подношенє тужбох почало у януаре 2012. року и нєпреривно ше звекшує, так же дотераз порушани вецей як 40 000 поступки з хторима бувши хаснователє пенєжней помоци за нєзанятосц тужа НСЗ за надополнєнє чкоди пре менши виноси надополнєньох.