ВЕРБАС – После реконструованя закрица, жимски базен Центру за физичну културу „Драґо Йовович” у Вербаше од нєшка знова почина з роботу. Конструкция закрица подполно пременєна, а урядови технїчни приєм потвердзел добри квалитет роботох -пише портал Општини Вербас.
Термини за жительох кажди роботни дзень од 19 до 23 годзин, всоботу од 12 до 16 годзин и од 17 до 20 годзин, а внєдзелю од 11 до 16 годзин и од 17 до 20 годзин. Термини наменєни лєм припаднїцом красшого полу – през викенд од 16 до 17 годзин.
У дньох викенду понукнути и специялни ваучери за хаснованє вецей змистох Центру за физичну културу. Други термини наменєни спортским клубом и школом за обуку нєплївачох.
Цена уходнїци иста як и була – 200 динари.