Нєшка Реґионална конференция целох за ровноправносц

автор зам
1k Опатрене

БЕОҐРАД – У Беоґрадзе нєшка будзе отримана Реґионална конференция целох за ровноправносц у юговосточней Европи, а з нагоди Медзинародного дня толеранциї. Конференция будзе у Палати Сербия од 10,30 до 16 годзин, а спред Националного совиту Руснацох на Конференциї будзе присуствовац членїца Совиту и його Вивершного одбору задлужена за родну ровноправносц Наташа Макаї Мудрох.

Як наявене, присутних привитаю предсидателька Народней скупштини Републики Сербиї (РС) Мая Ґойкович, поверенїца за защиту ровноправносци РС Бранкица Янкович, представителє Мисиї ОЕБС-у у Сербиї, а буду бешедовац и поверенїки за ровноправносц, защиту од дискриминованя, защиту людских правох, лєбо правобранителє з Босней и Герцеґовини, Албаниї, Горватскей, Македониї, Чарней Гори, представителє Фондациї за отворене дружтво и други.

Под час Конференциї шветочно будзе подписани документ о сотруднїцтве целох за ровноправносц у юговосточней Европи, як и додзелєна новинарска награда Поверенїка за защиту ровноправносци и ОЕБС-у за найлєпши текст и прилог з тему толеранциї.

У другей, роботней часци, учашнїком будзе представена тема „Дискриминованє у обласци обезпечованя роботи – искуства, виволаня, можлїви ришеня”.

ПОВЯЗАНИ ТЕКСТИ