НОВИ САД – Вельки проблем у дружтве то пошвидшане зменшованє, односно миґрациї роботно способних людзох, окреме младих у репродуктивним периодзе живота, сообщел Покраїнски омбудсман з нагоди нєшкайшого Шветового дня жительства.
Пре чежке материялне положенє, огранїчени можлївосци за доставанє роботи и витворйованє приходу, вше векше число жительох з менших местох у Войводини одходзи до вельких городох, лєбо до иножемства. Покраїнски омбудсман препоручує прилапйованє локалних стратеґийох социялней защити и запровадзованє одвитуюцих мирох у обласци обезпечованя роботи и образованя.
З нагоди Шветового дня жительства, тота Институция здогадла же окреме загрожени дзивки од 15 по 19 роки котри одати, лєбо жию у звонкамалженских заєднїцох, а котри, по урядових податкох, творя штири одсто жительства у Сербиї.