Од авґуста струя драгша за 12 одсто

автор сен
900 Опатрене

СЕРБИЯ – Од 1. авґуста будзе уведзена акциза на елекричну енерґию, та струя будзе драгша за 12 одсто, наявел министер рударства и енерґетики Александар Антич и додал же социялно загрожени буду мац од 120 до 250 безплатни киловат-годзини мешачно, пише Танюґ.

Антич гварел же момент за подрагшенє нїґда нє добри, алє звекшанє цени струї нєобходне же би ше обезпечело стабилну електроенерґетску систему, нови укладаня до нєй и отверанє нових роботних местох.

Подрагшенє ше запровадзує у складзе з аранжманом хтори Сербия ма з Медзинародним монетарним фондом, а попри вдереня на домашнї буджет, Сербия ище вше ма найнїзшу цену струї у Европи.

ПОВЯЗАНИ ТЕКСТИ