БЕОҐРАД – Родичи, односно старателє, беби до двох рокох од 1. по 15. юлий можу придац вимоги за рефундованє ПДВ-у на єдзенє и опрему за беби, сообщела Порцийна управа Сербиї.
Право на рефундованє маю родичи и старателє чий прешлорочни нето приход бул менши як милион 12 766 динари, а вредносц маєтку на хтори плаца порцию менши як 24,68 милиони динари.
З рефундованя ПДВ-у мож достац найвецей 42 198 динари за бебу до рока старосци, а за дзеци до другого рока мож рефундовац ПДВ вредносци 31 648 динари.
Писану вимогу на окремним паперу РФНБ, фискални рахунки, фотокопиї и список числох фискалних рахункох треба придац до филияли Порцийней управи у општини дзе пребуваю родичи и старателє беби.