РУСКИ КЕРСТУР – З кладзеньом венца на памятнїк погинутим борцом у Народноошлєбодительней войни (НОВ), вчера дополадня означени 20. октобер – Дзень ошлєбодзеня Руского Керестура и других местох у кулскей општини у Другей шветовей войни.
Означованє орґанизовали Месни одбор (МО) Здруженя борцох НОВ и Месна заєднїца (МЗ), а венєц положели представителє младежи.
Пригодни слова подзекованя учашнїком НОВ, а медзи нїма и 53-ом Керестурцом котри дали живот за шлєбоду, висловел предсидатель МО Дюра Папуґа. На шветочносци присуствовал и секретар МЗ Михайло Сабадош и менше число гражданох.
