Оправянє закрица на Амбуланти, будзе купена и опрема

автор зам
1.2k Опатрене

РУСКИ КЕРЕСТУР – Вчера почало оправянє часци закрица на Здравственей амбуланти у Руским Керестуре, а роботу финансує керестурски месни самодопринос и Општина Кула. Закрице оправя СТПР „Марник” з Кули.

З месного самодоприосу за тоту намену опредзелєни 700 000, а з општинского буджету 216 000 динари, но понеже явна набавка вишла туньше, 206 356 динари буду унапрямени за купованє одредзеней опреми до керестурскей Здравственей амбуланти.

Ище скорей, после того як бул познати резултат явней набавки, Дом здравя Кула од Месней заєднїци (МЗ) питал согласносц же би ше за звишок пенєжу набавело опрему за Здравствену амбуланту, з чим ше зложел Вивершни одбор Совиту МЗ.

Так за спомнути прейґ 206 000 динари до керестурскей Здравственей амбуланти буду купени два машини за райбанє, апарат за меранє кревового прициску, стетоскопи, манжетни за цаганє креви, дробнєйши медицински инвентар, роботни шмати занятим, як и 5 друковачи за компютери.

ПОВЯЗАНИ ТЕКСТИ