Оспособйованє приправнїкох у руралних штредкох

автор зам
951 Опатрене

СЕРБИЯ – Национална служба за обезпечованє роботи (НСЗ) роботодавательох з приватного сектору у руралних штредкох здогадує же по 20. септембер тирва Явна поволанка за фахове оспособйованє приправнїкох з руралних штредкох.

До програми за обезпечованє роботи приправнїком можу буц уключени нєзаняти особи, котри на евиденциї НСЗ и жию у руралних штредкох, а котри нє найблїзша родзина роботодавательови. Роботодаватель тиж муши буц з руралного штредку, и муши мац заняту образовану особу котра будуцим приправнїком будзе ментор.

Зависно од ступню образованя, програма тирва од 6 до 12 мешаци. НСЗ за приправнїкох рефундує часц їх заробку (з порциями и доприносами за обовязне социялне осиґуранє), а програму ше финансує з ИПА фонду Европскей униї – з проєкту „Помоц ґрупом котри чежше доходза до роботи”.

Информациї о тим мож достац у каждей филияли НСЗ, прейґ Поволуюцого центру НСЗ на 0800-300-301, лебо прейґ сайту www.nsz.gov.rs.

ПОВЯЗАНИ ТЕКСТИ