НОВИ САД – Предсидатель Скупштини Войводини Иштван Пастор потримал вчера снованє Войводянскей инициятиви нєвладових орґанизацийох за ЕУ и гварел же би покраїнски парламент у наступним зволаню требал увесц „институцию шлєбодного карсцеля”, хтори будзе наменєни представительом цивилного сектору.
Прейґ „институциї шлєбодного карсцеля” би представителє цивилного сектору могли шлєбодно участвовац у роботи Скупштини и мац улогу корективного фактору политики, гварел Пастор на конференциї „Войводянска инициятива за ЕУ-партнерство цивилного и явного сектору”.
Орґанизациї цивилного дружтва з Войводини 9. марца у Новим Садзе основали Войводняску инициятиву, пре артикулованє интересох гражданох покраїни у процесу придружованя Сербиї ґу Европскей униї.