БЕОҐРАД – Почала дистрибуция 234 130 дозох вакцини процив ґрипи, сообщене з Институту за явне здравство Батут, одкаль ризични ґрупи поволую же би цо скорей прияли вакцину.
Сезонску тровалентну вакцину ше препоручує особом котри маю хронїчни поремеценя плюцовей и кардиоваскуларней системи, гевтим котри маю цукрову хороту, поремеценя роботи покруткох, та особом зоз слабим имунитетом.
Препоручує ше же би вакцину прияли и особи старши од 65 роки, та заняти у явних службох, а як гваря лїкаре, за здобуванє имунитету треба же би прешли 2 до 3 тижнї од вакцинованя.
Спрам плану потребох хтори направел Институт за явне здравє Сербиї, у сотруднїцтве з мрежу институтох и заводох за явне здравє, за наиходзацу сезону обезпечени 243 130 дози вакцини процив ґрипи.