БЕОҐРАД – Министерка державней управи и локалней самоуправи Ана Брнабич вовоторок, 11. октобра, виявела же з роботу почнє електронски сервис за приявйованє новонародзених дзецох у породзилїщох, у рамикох проєкту Влади Сербиї „Бебо, витай на швеце”.
Як гварела, електронски сервис „стоп бирократиї” за гражданох и привреду руша од породзилїща, же би родичи по родзеню дзецка не мушели обиходзиц шалтери, алє бебу за 15 минути можу безплатно приявиц, на єдним месце.
После того родичи достаню СМС поруку же приявйованє успишно окончене, а на адресу биваня им сцигню потребни документи, як цо то здравствена карточка и кресцене писмо дзецка, гварела министерка и додала же за приявйованє дзецка тераз потребне лєм най ше родичи догваря о його мену, а шицко друге поробя заняти у породзилїщох.
– То родичом зашпорує штреднє седем годзини и олєгча им процедуру при приявйованю дзецка – гварела Ана Брнабич.