Пририхтованя за Централну преславу иду як плановане

автор влдї
1.1k Опатрене

БИКИЧ – Вчера у Бикичу отримана схадзка Орґанизацийного одбору за пририхтованє Централней преслави Националного швета Руснацох, хтора 14. януара 2017. року будзе у Бикичу и Шидзе.

На схадзки поведзене же моноґрафия о Руснацох у Бикичу пририхтана за друкованє, а и други активносци на пририхтованю централней шветочносци чечу як плановане.

Тиж порадзене и о випатрунку сценоґрафиї, плакати и поволанкох на хторих буду мотиви церкви у Бикичу, герби Руснацох и Бикичу, як и мотив руского партку.

Констатоване же добре напредую и активносци на пририхтованю Шветочней академиї, хтора будзе у Шидзе, як и провадзацих програмох – вистави ручних роботох Миряни Барна и малюнкох Олґици Лукач, та етно-столу, хтори буду у Бикичу, як и вистави малюнкох Андєлки Античевич и Драґици Живкович, хтори буду у Народней библиотеки „Симеон Пищевич“ у Шидзе.

Попри домашнїх членох Одбору, на схадзки присуствовали и предсидателька Орґанизацийного одбору Ивана Дудаш, подпредсидателє Орґанизацийного одбору Йовґен Мудри, Наташа Еделински Миколка и Деян Бобаль, та о. Владимир Еделински Миколка.

ПОВЯЗАНИ ТЕКСТИ